"Vo Lamha"

Yeh baat un dino ki hai jab mai 11th std me tha

School me mene homework nahi kiya tha jiski vajah se mujhe punishment ke taur par principal office ke bahar khadaa kar diya tha mere sath mere 2 or dost bhi the

To utne me main gate se ek ladki andar aayi
Uske papa uske sath the

Unki baato se pataa chalaa ki vo school me addmission lene aai thi
Fir agle din jab mai school aya to mene dekha ki vo meri class me bethi thi mene khusi ke maare do minute uski taraf dekha or apni seat pe beth gayaa

Fir 11th bhi puri hui or 12th bhi par in 2 saalo me hamne kabhi hii hello bhi nahi kiya tha

Fir 12th ke results ke baad kabhi usse mulakat hi nahi hui or mujhe lagta bhi nahi tha ki kabhi hogi

Fir lagbhag uske 2 saal baad mere ek dost ne mujhe kisi whatsapp group me add kiya
Jisme mere kai classmates the or achchi baat yeh hui ki us group me vo bhi thi to bas vahaa se mene uska number save kiya
Group me to baate chalti rahti thi par ab tak personally mene usko koi msg nahi kiya tha

Fir ek din mene uske kisi status pe comment kiya uska reply bhi aaya or fir mene baat aage badhai
Or usse baate karke mujhe or baate karne ka man karta tha kyoki meri ek line ka reply vo tin char line me karti thi to mai to bahut khush tha is baat se

Fir har roj sone se pahle hamaari baate hone lagi or mai bhi uske online aane ka wait karta rahta tha vo uske collage ke or ghar ke saare kisse mujhe batati or mai bhi apni saari baate batane lagaa fir kuch dino baad chatting se ham call pe baate karne lagte
Hamari baate ghanto chalti rahti thi
Vo apni baate batati jaati or mai uski ha me haa karta rahta
Uske dil me mere liye koi feelings thi yaa nahi uska pataa nahi par mai to uski taraf attract hota jaa rahaa tha
Par mene usko yeh baat bataayi nahi or naa hi usne kabhi pucha

Fir kuch mahino baad mene use coffe ke liye pucha to usne haa kar di
Fir mene mere dosto se puch kar ek coffe cafe dhundha jo mere ghar se thodi duri par ho taaki vahaa ke aane jaane ke raste me hame itna vakt mil sake ki ham ek dusre ko or achche se jaan paae
To hamne decide kiya ki kisi ek jagah par milenge or vahaa se sath me chalenge
To fix kiye hue time pe mai us jagah pahuch gayaa
Thodi der ke intjaar baad mene use call kiya to usne bola vo aadhe ghante me aaegi
Us aadhe ghante me mere dil or dimag me kai baate chal rahi thi Matlab mere sath ek ladki chal rahi hogi jise mai pahli hi najar me dekh dil haar chuka tha
Jab uske msgs padhta hu to mere dil dimag mere kaabu me nahi rahte or uski photo dekh leta hu to mai kahi kho saa jaata hu

Par aakhirkar aadhe ghante baad vo aai

Uski blue denim shirt, khule baal, kaano me earphone or uske chewing gum ki har ek bite pe beshumar coolness

Vese to mene usko photos me or video call pe dekha tha par mere saamne usko dekh esaa lag rahaa tha ki jese vo koi tajmahal ho jise sirf mahobbat ke liye banaya gayaa ho jise dekhkar khush to ho sakte hai lekin apna banaa nahi sakte

Hamne hii hello kiya or fir mene cab book ki or ham chale

Vahaa pahuchkar hamne cold coffe order ki
Or fir baato ka silsila shuru huaa
Uske baad vo ek ek ke baad dusri dusri ke baad tisri kahaaniya sunanti gai or mai chupchap uski saari dastan sunte gayaa
Fir ham dono ek ek kar saare raaj vahaa kholte chale gae
Usne mujhe bataya ki kese vo uske ghar me sabse laadli hai or use kya pasand hai kya naa pasand or ek baar kese vo chalte chalte raste par gir gai thi
Or mai uske har ek lafj har ek baat ko mahsus karta gayaa

Un baato baato me kab 3 ghante nikal gae kuch pataa hi nahi chalaa

To ab aage ki story aaegi agle part me
Tab tak ke liye
Okay
Tata
And Bye
Take care

A story by: Mahendra Purohit