" Vo Lamhaa "

Coffee peete-peete baaton ka silsila khatam hone ka naam nahi le raha tha. Maine himmat jutayi aur uski aankhon mein dekh kar poocha, "Tum itni baatein karti ho, par kabhi socha hai main itni khamoshi se tumhe kyun sunta hoon?"

​Vo thodi der ke liye ruki, uske chehre ki shararat ek pal ke liye thami. Usne dhire se kaha, "Kyunki tum jaante ho ki main har kisi ke saamne itni baatein nahi karti." Uski yeh sab baate sunke esaa lag rahaa tha ki yahi to h vo sabkuch, jo abtak  missing tha.

Mai bangalore se jab yahaa aaya tha tab yeh soch ke aaya tha ki ye mulakat ek nayi shuruat hogi, par ye toh shayad ek aur 'goodbye' ki taiyari thi. To baatein karte-karte cafe se baahar niklte vakt mene use bataya ki kal mai vapas bangalore jaa rahaa hu. Or haste hue usse pucha, "Toh kya ab hum kal phir se sirf WhatsApp group tak hi reh jayenge?" Usne bhi haa me haa milaate hue kahaa ki "Ab tu bangalore jaa rahaa h to yahi karna padega naa, par tu vapas bhi to aaega tab fir milenge." Fir kuch der baad ham dono ne ek dusre ko bye kiya or mai apni ghar ki taraf nikal gayaa or vo apne ghar ki taraf. Us shaam jab hum alag hue tab mere paas uska ek naya waada tha aur dil mein ye umeed ki shayad ye lamha aakhiri nahi hai.

Uske baad mai bangalore aa gayaa or aakar fir se vahi apne kaam me busy ho gayaaa. Raat me sone se pahle hamari baate hoti thi or bas ese hi yahi sab baato ka silsilaaa yuhi chal rahaa tha, mujhe kahi na kahi yeh bhi lagne lagaa tha ki shayad mohabbat uski taraf se bhi thi kyuki mai kai baar uski baato me kho jaata tha, ye sochkar ki jise main aaj tak apna ek-tarfa sapna samajh raha tha, wo shayad hamesha se ek mukammal dastan ho.

Lekin fir kai baar esaa bhi lagta tha ki naa yaar esaa kuch nahi hai. Kyuki agar mohabbat karti to shayad dost nahi bulaati, yaa yuh dsot dost bolke sirf dosti ka rishta nahi nibhati. Pataa nahi yeh kesaa rishta tha upar vaala jaane, kyuki kuch kah paana mushkil saa lag rahaa tha, khud bhi uljhi rahti thi or shayad mujhe bhi uljhati thi. Matlab ki dosti se mohabbat ki taraf naa to aati thi or naaa hi mohabbat se dosti ki taraf jaati thi, in dono ke bich me kahi rah jaati thi. 

Aur kahi naa kahi mai bhi is maamle me thoda saa kachcha tha, matlab haal esaa tha ki mohabbat to hai par jisse h use bataya nahi jaata, shayad mere jataane ke bajaay vo ishare samajh sakti to samjh jaati. Matlab kai baar to man karta tha ki direct puch lu usse ki dosti ki yeh kesi dahleej pe laake khadaa kar diya h tune ki jiske aage tujhse badhaa nahi jaataa, or isse piche mujhse hataa nahi jaata. Kabhi kabhi sochta hu ki yeh sab baate jo aaj likh rahaa hu vo us vakt kyu nahi likh paata tha, jo baate ham clearly kahna chahte h vo kahi or to aasani se likhi jaa sakti h par jisse kahni ho unse kyu nahi kahi jaati.

Khair, abhi ke liye itna hi, baaki ki baate agle blog me bataungaa..

Tab tak ke liye
Okay
Tata
And Bye
Take care

A story by: Mahendra Purohit